Рубрики

Как правильно вести себя по отношению к памяти ушедших от нас родных и близких.

Сегодня кладбища стали похожи на выставки и музеи – скопище огромных плит, немыслимых сооружений, огромных беседок и замысловатых скульптурных групп.

Зачастую все так «застроено», что нельзя пробраться к могилке родных, не прижимаясь к соседским оградкам и балансируя на одной ноге между плитами. Мало кто понимает, что такое неуважение к
окружающим приводит к тому, что бедного покойника, лежащего в загородившем дорогу огромном склепе все, кто продирается мимо, неустанно проклинают – его и его родных, построивших такое «чудо». Оно вам надо? Покойнику не надо точно. Иногда мне кажется, что родственники или пытаются дорогущими памятниками придавить свое чувство вины перед усопшим, либо соревнуются с соседями – чей памятник круче и дороже. Печально все это выглядит.

И пиры с обильными возлияниями на могилах дорогих и близких людей так же выглядят кощунственно. Зачастую делают все – и оградку покрасят, и едой и выпивкой могилу обложат, и сами напьются за упокой. А о самом главном (и единственно нужном для покойного) – просто прочитать над могилкой душевную молитву – никто и не вспомнит…

Мне очень понравилось высказывание по этому поводу протоиерея Д.Г.Булгаковского, попавшееся мне недавно на просторах интернета:

«Те, кто ушли от нас в жизнь новую, в жизнь вечную, уже предстали пред Богом. Их время земной жизни иссякло, иссякло время, когда они могли исправить свои ошибки, очистить свои души, покаяться. В том новом состоянии, в котором они пребывают они уже не могут себе ничем помочь. Но мы, можем оказать им помощь, наши молитвы могут обратить к ним милость Бога, дать им истинное утешение.

По слову Христа, мы должны любить ближних, как самих себя, и в молитвенной памяти о покойниках проявляется наша любовь как совершенно бескорыстная и сокровенная, самая величайшая. И как эта любовь дорога покойникам, принося им, беспомощным, помощь! И, наоборот, как мы безжалостны бываем, когда забываем о покойниках!

Правда, многие по смерти близких им – друзей ли то, родных своих, или знакомых, желая сохранить о них память, хранят некоторые вещи их, особенно любимые ими, сохраняют их изображения (портреты, фотографические карточки), устрояют дорогие памятники, обсаживая могилы их цветами или деревьями. Но это ли им нужно?!

Покойники нуждаются единственно в нашей молитве, в благотворении за их души. Мы же, изъявляя разные знаки нашей памяти к ним, самое главное забываем – молиться о них. Находясь в греховной тьме, на месте мучения, усопшие лишены сами по себе возможности очиститься от грехов, освободиться от горькой участи, так как после смерти нет покаяния. Кто же им может помочь, как не живые?

Молясь о покойниках, мы молимся в то же время о самих себе, потому что за нашу милость к умершим Господь нам посылает Свою милость, за нашу молитвенную память о них Господь и о нас помнит, по Своему милосердию. Никакое добро не забывается, не пропадает даром. Особенно, когда мы молимся за души усошпих, поминая их в нашей домашней или в церковной молитве, сопровождая эту память милостынею за них – это добро наше бывает особенно приятно Всемилостивому Богу, и Он, по Своей премудрой и всемогущей благости, устрояет так: кто молится о покойниках, за того и после смерти непременно тоже будут молиться.»

Как же молиться об усопших?

В году существует несколько дней, когда церковь напоминает нам, что нужно оторваться от суеты и вспомнить наших родных и близких, которых уже нет с нами.

Оговорюсь сразу – в день рождения покойника специально поминать не обязательно – по мнению священнослужителей днем поминовения конкретного человека является не его день рождения, а его день смерти. Но если «душа просит» – поминайте и в день рождения. Это тот случай, когда чем больше – тем лучше.

Кроме того нужно поминать в специальные дни – Родительские – они указаны в церковных календарях. Сейчас как раз будет такой день – Радоница (второй вторник после Пасхи).

Ниже я привожу самые распространенные молитвы, читаемые по покойным. Не обязательно читать весь канон – можете выбрать только то, к чему «душа ляжет» – переписать и прочитать на кладбище. Очень рекомендую прочитать молитву «к ангелу – хранителю», кстати ее можно и нужно читать в день ангела умершего человека. Поверьте, для покойного это гораздо важнее чем ваши слезы, покрашенная оградка и яйца на могиле!

Вот специальные молитвенные слова, которые вы можете прочитать на кладбище или дома в день поминовения (если по какой-либо причине не смогли попасть на кладбище).

Чин литии, совершаемой мирянином дома и на кладбище

Молитвами святых отец наших, Господи Иисусе Христе, Боже наш, помилуй нас. Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды)

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй. (12 раз)

Слава Отцу и Сыну и Святому Духу, и ныне и присно и во веки веков. Аминь.

Приидите, поклонимся Цареви нашему Богу. (Поклон)
Приидите, поклонимся и припадем Христу, Цареви нашему Богу. (Поклон)
Приидите, поклонимся и припадем Самому Христу, Цареви и Богу нашему. (Поклон)

 

Комплект “Храни Вас Бог”

обложка храни бог

В комплект входят книги с традициями, обрядами и ритуалами к православным праздникам: празднование икон “Неувядаемый цвет” и “Геронтисса” и бонусы

Только сейчас скидка 50 % на комплект “Храни Вас Бог” в котором

“Неувядаемый цвет – женская икона Божией Матери.  Геронтисса – икона для пожилых людей. Сны Пресвятой Богородицы, Иконы – заступницы по дате рождения”

Только сейчас скидка на комплект “Храни Вас Бог”здесь: http://elma.justclick.ru/order/komplekt/

кнопка хочу

Псалом 90
Живый в помощи Вышняго, в крове Бога Небеснаго водворится. Речет Господеви: Заступник мой еси, и Прибежище мое, Бог мой, и уповаю на Него. Яко Той избавит тя от сети ловчи и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Падет от страны твоея тысяща, и тма одесную тебе, к тебе же не приближится: обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему. Яко ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою. На аспида и василиска наступиши, и попереши льва и змия. Яко на Мя упова, и избавлю и; покрыю и, яко позна имя Мое. Воззовет ко Мне, и услышу его; с ним есмь в скорби, изму его, и прославлю его; долготою дний исполню его, и явлю ему спасение Мое.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. (Трижды)

Со духи праведных скончавшихся, душу раба Твоего, Спасе, упокой, сохраняя ю во блаженной жизни, яже у Тебе, Человеколюбче.
В покоищи Твоем, Господи, идеже вси святии Твои упокоеваются, упокой и душу раба Твоего, яко Един еси Человеколюбец.

Слава Отцу и Сыну и Святому Духу.

Ты еси Бог, сошедый во ад, и узы окованных разрешимый, Сам и душу раба Твоего упокой.

И ныне и присно и во веки веков. Аминь.

Едина Чистая и непорочная Дево, Бога без семени рождшая, моли спастися душе его.

Покой, Спасе наш, с праведными раба Твоего, и сего всели во дворы Твоя, якоже есть писано, презирая, яко Благ, прегрешения его вольная и невольная, и вся яже в ведении и не в ведении, Человеколюбче.

Со святыми упокой, Христе, душу раба Твоего, идеже несть болезнь, ни печаль, ни воздыхание, но жизнь безконечная.

Сам Един еси Безсмертный, сотворивый и создавый человека, земнии убо от земли создахомся, и в землю туюжде пойдем, якоже повелел еси, Создавый мя и рекий ми: яко земля еси, и в землю отъидеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.
Честнейшую Херувим  и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу, и ныне и присно и во веки веков. Аминь.

Господи, помилуй (Трижды), благослови.

Молитвами святых отец наших, Господи Иисусе Христе Боже наш, помилуй нас. Аминь.

Во блаженном успении вечный покой подаждь, Господи, усопшему рабу Твоему (имя), и сотвори ему вечную память.

Вечная память. (Трижды)

Душа его во благих водворится, и память его в род и род.

Молитва за всякого усопшего

Помяни, Господи Боже наш, в вере и надежди живота вечнаго преставльшагося раба Твоего, брата нашего (имя), яко Благ и Человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящым Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троицу и Троицу в Единстве православно даже до последняго своего издыхания исповеда. Темже милостив тому буди, и веру яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

Молитва за всех в вере скончавшихся православных христиан

Боже щедрот и всякия благодати! Призри с высоты Святаго жилища Твоего на нас грешных и недостойных рабов Твоих, молящихся Тебе и просящих дати долгов разрешение усопшему (-ей) рабу Твоему (рабе Твоей). Молим Тя, Благость вечная, не вниди в суд с рабом (-ою) Твоим (-ею), яко созданием Твоей Премудрости, но обаче милости сподоби его (ю); яви ему (ей) благоутробие Твое, Всеблагий Владыко, и не отвержи его (ю) от лица Твоего, Человеколюбче Господи: спаси от вечныя смерти, яже есть смерть вторая, душу его (ея), да тако усопший (-шая) не престанет славословити Твою безконечную благость и превозносити имя Твое во веки. Тебе, Сердцеведче, ведомы дела, намерения и помышления усопшаго (-шия) раба Твоего (рабы Твоея) и вся содеянная им (ею) благая же и злая пред Тобою нага и объявлена суть. Но что убо пред Тобою, Святый, вся благая наша? Яко капля в мори, тако суть пред Тобою и пред Твоею правдою и Святостию вся благая наша, содеваемая в веце сем. Безмерны согрешения наши; велико и тяжко бремя грехов наших, но неизреченно велики и безпредельны заслуги Единороднаго Сына Твоего, Господа нашего Иисуса Христа, Егоже по безпредельной любви Твоей дал еси нам грешным, да всяк веруяй в Онь, не погибнет,но имать живот вечный. Зело грешны есмы пред Тобою и недостойны Твоея милости, но Твое человеколюбие соделывает нас достойными; велики беззакония наша, но неистощимо Твое милосердие: безмерныя заслуги Возлюбленнаго Твоего Сына, принесшаго Себя в жертву за грехи наши, побеждают всяк грех, всяко беззаконие; того ради со умилением и со дерзновением молим Тя, Источниче жизни нашея, со дерзновением упования молим, да усвоятся усопшему (-ей) рабу Твоему (рабе Твоей) (имя) сии драгоценныя для нас искупительныя и спасительныя заслуги Единороднаго Сына Твоего; умоляем Твое милосердие слезами сокрушения, покрый грехи усопшаго (-шия) раба Твоего (рабы Твоея) величием сих дражайших заслуг Искупителя нашего; прости все согрешения его (ея) и не погуби его (ю) со беззаконми его (ея) в геенне огненней. Пощади, пощади, Владыко, отшедшаго (-ую) к Тебе раба Твоего (рабу Твою) (имя) и вечных мучений избави, избави ради безмерных и неизглаголанных душевных скорбей и болезней Единороднаго Сына Твоего, понесенных Им пред испитием горькой чаши страданий Своих; пощади его (ю) и спаси от вечныя смерти ради поношения и биения Спасителя нашего, ради заушения и заплевания; помилуй ради дражайшия Крове Его из пречистых ребр Его пролиянныя. Молим Тя, Отче щедрот и всякаго милосердия, пречистыми и животворящими Его ранами, Его святою Кровию уврачуй смертоносныя и греховныя язвы усопшаго (-шия) раба Твоего (рабы Твоея), и тако да исцелеет духовне и да сподобится в неприступном свете Твоем, Светодавче Господи, славословит и прославляти Пресвятое имя Твое во веки. Аминь.

Книга “Сборник молитв на всякую потребу” и Сны Пресвятой Богородицы (все)

Кнопка доступ

Молитва Ангелу хранителю покойного

Святый Ангеле хранителю, данный усопшему (-шей) рабу Божию (рабе Божией) (имя)! Не преставай охраняти душу его (ея) от злых страшных оных бесов; буди ей пестуном и утешителем и тамо, в оном невидимом мире духов; приими ю под криле своя и преведи ю невозбранно чрез врата воздушных истязателей; предстани ходатаем и молитвенником за ню у Бога, – моли Его Преблагаго, да не низведена будет в место мрака, но да вчинит ю, идеже пребывает Свет невечерний.

 

Канон преподобному Паисию Великому

Преподобный Паисий Великий родился в Египте. С детства полюбил иноческую жизнь. Отрекшись от своей воли, он жил под духовным руководством святого Павмы, во всем исполняя его повеления. Святой подвижник прилежно читал духовные книги и особенно прославился подвигом поста и молитвы. Главный завет преподобного Паисия был один: ничего но делать по своей воле, а во всем исполнять волю своих наставников. Тяготясь нарушением безмолвия, преподобный удалился в более отдаленную пещеру. Однажды он был восхищен в райские обители и удостоился там причаститься невещественной Божественной пищи. Преподобный Паисий отличался великим смирением, совершал подвиги поста и молитвы, но, по возможности, скрывал их от посторонних. На вопрос иноков, какая добродетель выше всех, преподобный ответил: «Та, которая совершается в тайне и о которой никто не знает». Преподобный Паисий имеет от Бога благодать избавлять от вечной муки умерших без покаяния. Память преподобному Паисию Великому 19 июня (2 июля по новому стилю). Канон взят из старинного канонника, на него ссылается как на поемый за избавление от муки без покаяния умерших в своей книге «О поминовении усопших по уставу Православной Церкви» знаток уставного богослужения епископ Афанасий (Сахаров).

Канон преподобному Паисию Великому об избавлении от мук умерших без покаяния

Божественною любовию от юности распаляемь преподобне, вся красная яже в мире возненавиде, Христа единаго возлюбил еси. Сего ради в пустыню вселися, идеже сподобися Божественнаго посещения, Егоже неудобь зрети и aнгельскима очима, паде поклонися. Великий же Дародатель, яко Человеколюбец, рече к тебе: не ужасайся возлюбленный Мой, дела твоя угодна Мне. Се, даю тебе дар: о коем либо грешнике помолишися, отпустятся ему греси. Ты же в чистоте сердца твоего возгореся, прием воду и прикоснуся Неприкосновенному, умы нозе Его. И воду пив, даром чудес обогатися, грешники от муки молитвою своею избавляти, болящыя исцеляти, о, преподобие отче Паисие, и бесов от человек отгоняти ибо от сих грешников первый есмь аз. Молю тя, да умолиши Иже тебе обетова, да даст ми время покаяния, и простит мое согрешение, яко Благий и Человеколюбец, да со всеми и аз воспою Ему: аллилуиа. (Дважды)

Слава Отцу и Сыну и Святому Духу. И ныне и присно и во веки веков. Аминь.

Вся паче смысла, вся преславная Твоя, Богородице, таинства, чистотою запечатленна, и девством хранима, Мати разумеся неложна, Бога рождши истиннаго, Того моли спастися душам нашим.

Помощник и Покровитель бысть мне во спасение, Сей ми есть Бог, и прославлю Его. Бог отца моего и вознесу Его, славно бо прославися.

Преподобне отче Паисие Великий, моли Бога о нас.

Иже вся умудряющему Богу молися, преподобне о рабе своем, да отверзет ми устне недостоинии, и двигнет ми язык недоуменный. Тесноту же и худогласие, отче, разверзи благодатию, иже в тебе Святаго Духа, к пению чудес твоих.

Преподобне отче Паисие Великий, моли Бога о нас.

Начну убо достохвальное и душеполезное житие твое от младенства. Иже древле Египет великаго во пророцех произнесе Моисея, иже к Богу присвоением и великими чудесы прославися. Тако и ныне вторицею прославлен показася Египет, тебе ради, отче Паисие, честным именем твоим и многими добродетельми обогатися, еже дарова тебе Господь, Егоже моли, да спасет душа наша.

Слава Отцу и Сыну и Святому Духу.

В Царство Небесное вшед узким путем и прискорбным по заповеди Владыки своего Христа, преподобне отче Паисие, широкий и пространный путь возненавидев, распространьшийся мрак ума моего отжени, да возмогу малое сие моление принести в пречестную память твою.

И ныне и присно и во веки веков. Аминь.

Дух сокрушен подаждь ми, Благая, смиренно сердце, уму же чистоту и житию исправление и прегрешением оставление.

Избави от муки вечныя усопшаго раба своего (имя), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего. (Поклон)

Господи, помилуй. (трижды с поклонами)

Избави от бед рабы своя, преподобне отче Паисие, яко вси по Бозе к тебе прибегаем, ты бо молиши о нас Христа Бога нашего. (поклон)

Господи, помилуй. (трижды с поклонами)

Утверди, Господи, на камени заповедей Ти подвигшееся сердце мое, яко Един Свят еси и Господь.

Преподобне отче Паисие Великий, моли Бога о нас.

Каменю веры Петру апостолу уподобился еси, распятся мирови во всей жизни своей, преподобне Паисие, и нозе свои невозвратно к небесному шествию управил еси, и горняго Иерусалима достигл, со святыми предстоя Святей Троице, моли о мне единаго Благаго Человеколюбца.

Преподобне отче Паисие Великий, моли Бога о нас.

Благочестиваго корени пресветлая отрасль, тебе избра Господь, ангел рече матери твоей, сей Богу угоден. Ты же от младенства крест свой взем, невозвратным путем Тому последова, и возрасташе леты и разумом купно и благодатию Божиею. Моли дати ми отпущение грехов.

Слава Отцу и Сыну и Святому Духу.

О, Владыко Господи Исусе Христе, кто не удивится Твоему человеколюбию, егда прииде желание преподобному иноческо житие получити к деланию заповедий Твоих, Твоею благодатию яко агнец непорочен изведеся в пустыню, и достигл словесных овец, и введеся к пастырю блаженному Памве, и облечеся во иноческий образ, в немже утверди и мене Господи, молитвами преподобнаго Паисия, к деланию заповедий Твоих.

И ныне и присно и во веки веков. Аминь.

Лютых мя мук, и тмы кромешныя и геенны, Твоими молитвами свободи, Дево, имаши бо волю и силу, Господа рождшая единаго Преблагаго.

Избави от муки вечныя усопшаго раба своего (имя), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего (поклон).

Господи, помилуй. (трижды с поклонами)

Душу связав любовию Христовою, земная возненавидев вся мудре, водворился еси, отче преподобне, в пустынях и горах, разумнаго древа вкуш славне, ангельски просиял еси. Темже и мрак прошед плоти своея, тму отгнал еси бесов Паисие, инокующым первый, моли Христа Бога, грехов оставление подати, чтущым любовию святую память твою.

Слава Отцу и Сыну и Святому Духу и ныне и присно и во веки веков. Аминь.

Скорый покров и помощь и милость покажи на рабе Своем, Чистая, и волны укроти суетных помышлений, и падшую ми душу возстави, Богородице, вем бо, вем яко можеши, елико хощеши.

Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи!

Преподобне отче Паисие Великий, моли Бога о нас.

Законострадальческое житие от мягких ногтей восприим богомудре Паисие, даже до конца пребыл еси, яко божествен доблественник венец приял еси победы от всех Царствующаго, молитвами своими избавляти от муки грешники, от них же первый есмь аз, не забуди мене.

Преподобне отче Паисие Великий, моли Бога о нас.

Имуще молитвенника крепка блаженне Паисие, и обещника печальным, предстателя и поборника и ходатая благочестна, от всяких спасаемся бед, напастей и обстояний.

Слава Отцу и Сыну и Святому Духу.

Велию судеб бездну имеяй, Той тебе рече: се, бо даю ти дар, да все еже просиши от Отца Моего во имя Мое, дастся тебе, о коем либо грешнике помолишися, оставятся греси того: сего ради припадаю ти, отче Паисие, имея бездну согрешений, да отпустит твоими молитвами Иже тебе обетова, яко Благ и Человеколюбец.

И ныне и присно и во веки веков. Аминь.

Глагол провещай, егда право имам судитися, Богородительнице, к Своему Сыну, Пренепорочная, да обрящу Тя тогда прибежище и заступление державнейшее, и мук всех избавляющи.

Избави от муки вечныя усопшаго раба своего (имя), преподобне отче Паисие Великий, яко все по Бозе к тебе прибегаем, ты бо молиши о нас Христа Бога нашего (поклон).

Господи, помилуй. (трижды с поклонами)

Из нощи утреннююща, Человеколюбче, просвети, молюся, и настави мя на повеления Твоя, и научи мя, Спасе, творити волю Твою.

Преподобне отче Паисие Великий, моли Бога о нас.

Постом удручая тело свое отче Паисие, иногда по причащении Тела и Крови Христовы, яко ангел седмьдесят дней без пищи телесныя пребывая, божественную державу неизреченную имущи, и возмогши в себе животную содержати силу благодатию Твоею, паче пищнаго укрепления, слава державе Твоей, Господи.

Преподобне отче Паисие Великий, моли Бога о нас.

Яко Иоанн Креститель узким и прискорбным путем ходити произволил есй. Но той на Иордане узрев Зиждителя своего, устрашися и вопияше: не смею приступите сено огню. Ты же, отче Паисие, в пустыни иногда явльшагося Господа, не могий пречистаго лица Его зрети, пад трепетом одержимь. Он же ти рече: не устрашайся, сию пустыню наполню постниками тебе. С нимиже молим, отче, не забуди нас, молитвенник твоих, помилованных быти.

Слава Отцу и Сыну и Святому Духу.

Аз бо в начале моя пред Тобою зрю согрешения, и о моих беззакониих молю Твое милосердие, да простиши и покрыеши благоутробием Твоим множество грехов моих, и даждь ми прочее жизни сея время безгрешно проводити. Да удобь на спасения стезю потек, безпреткновенно к доброму концу достигну Твоею помощию, кроме бо Твоея помощи и наставления ничтоже благо совершити, и милость у Тебе получити кто может.

И ныне и присно и во веки веков. Аминь.

Рабское приношу Ти моление неразумный аз, и к Твоему прибегаю благоутробному милосердию, не отврати мене, Чистая, посрамлена.

Избави от муки вечныя усопшаго раба своего (имя), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего (поклон).

Господи, помилуй. (трижды с поклонами)

Возопих всем сердцем моим к щедрому Богу, и услыша мя от ада преисподняго, и возведе от тли живот мой.

Преподобне отче Паисие Великий, моли Бога о нас.

Бездушная тварь Иордан своего Творца устыдеся, вопияше: не могу Безгрешнаго омыти. Святый же виде Господа, приим воду, прикоснуся Неприкосновенному, умы нозе Его. И пив воду, и прия дар целити недуги и прогонити от человек бесы. Сего ради и мы припадаем ти, отче, молитвами твоими помилуй нас от всяких бесовских наведений.

Преподобне отче Паисие Великий, моли Бога о нас.

По славе Господа нашего Исуса Христа, обретохом тя, отче Паисие, великое прибежище, и заступника и тепла молитвенника о гресех наших. Яко же первее инока преставльшася, и христианства отчуждившася и во глубину адову пагубным безверием низведеся, и егда ощутився притече к тебе, да умолиши Всемилостиваго. Щедрый же Господь явися тебе и глагола: о, угодниче Мой, добро есть Моей любви подобяся, печешися о грешных, изволяяй муки прияти за их избавление.

Преподобне отче Паисие Великий, моли Бога о нас.

Принесеся молитва твоя и слезы к Богу, яко благовонный фимиам, и жертва непорочна и благоприятна, и мене не забуди ходатайством твоим ко Пресвятей Богородице, слезы умиления даси ми, омый грехов моих бездну, избави мя от смертныя глубины. И не надеющымся подаждь велию милость, и прости им согрешения.

Слава Отцу и Сыну и Святому Духу.

Весь недоумением одержимь есмь, егда прииму во уме той час страшный испытания Судии и Бога, и плачуся и сетую и рыдаю, поминая бездну зол моих. Темже спаси, Человеколюбче, молитвами Твоего угодника преподобнаго Паисия, и избави мя муки, яко Благоутробен.

И ныне и присно и во веки веков. Аминь.

От сердца стенания приношаю Ти, Пренепорочная, Твое прося благопребытное заступление. Помилуй всестрастную ми душу, умилосердися, Мати многомилостиваго Бога, избавити мя Суда и езера огненнаго.

Избави от муки вечныя усопшаго раба своего (имя), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего (поклон).

Господи, помилуй. (трижды с поклонами)

Слава Отцу и Сыну и Святому Духу и ныне и присно и во веки веков. Аминь.

Житейских молв оставль, безмолвное житие возлюбил еси, Крестителю подобяся всеми образы, с нимже тя почитаем, отче отцем Паисие.

Христов глас услышав, шествовал еси во след Того заповедий, наг жития быв, отверг попечения и вся стяжания и имения, и братий своих и любве матере, богоносне Паисие, един в пустынях Богови беседуя разумом, дарования приял еси, еже ми посли в песнех поющему, отцем начальниче Паисие.

Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповеда нам, но не предаждь нас до конца, отцев Боже.

Преподобне отче Паисие Великий, моли Бога о нас.

Многих грехов исполнен аз, и твоя молитва яко кадило благовонно исправися отче. Бездну грехов моих потреби, и буяющее море злаго жития изсуши, и напоение гневное отжени, и целомудренный ум молитвами своими утверди, отче Паисие.

Преподобне отче Паисие Великий, моли Бога о нас.

Наставника тя и молитвенника тепла имущи, и скораго помощника, яко стену тверду и забрало недвижимо и воеводу крепка и непобедима молим тя, не забуди молитвенник твоих, избавляя от веяния печали и навет вражиих.

Преподобне отче Паисие Великий, моли Бога о нас.

О, чудо велие, во един от дний седящу ти, отче Паисие, в пещере, бысть ти глас глаголяй: мир тебе, возлюбленному Моему угоднику, ты же возстав со страхом, и трепетом одержимь, паде поклонися и рече: се, раб Твой, Господи. Сего ради молим тя, моли Человеколюбца, да спасет души наша.

Слава Отцу и Сыну и Святому Духу.

Даждь ми Христе разум и терпение, еже не осуждати согрешающих с кичением фарисейским, но яко мытарево покаяние приими, и яко блуднаго сына, Боже, вечери Твоей достойна мя яви, молитвами преподобнаго Паисия, и грехов прощение ми даруй.

И ныне и присно и во веки веков. Аминь.

Возникни, о, страстная душе, возстани окаянная, бий из глубины в перси, и испусти слез источники, да тя помилует, окаянную, милосердая Мати Христа Бога.

Избави от муки вечныя усопшаго раба своего (имя), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего (поклон).

Господи, помилуй. (трижды с поклонами)

Егоже вои Небеснии славят и трепещут Херувими и Серафими, всяко дыхание и тварь, пойте, благословите и превозносите Его во веки.

Преподобне отче Паисие Великий, моли Бога о нас.

Благодарно приносимое тебе пение сие не презри, отче Паисие, но паче приими и радости духовныя исполни, да без закоснения поклонюся твоему образу, идеже есть написан, исцеления всем подавающ.

Преподобне отче Паисие Великий, моли Бога о нас.

Все преподобному житию поревновав богоугодных отец, иже от века поживших, отче Паисие, во смирении и постничестве Христа ради всю жизнь свою мученически скончал еси, и от бесов нападения много претерпел еси, и сих победил. Сего ради молю тя, отче, буйство, ярость и небрежение молитвами твоими отрини от мене.

Преподобне отче Паисие Великий, моли Бога о нас.

Владыко Христе Боже Всещедрый, имиже веси судьбами даждь ми ненавидети деянии лукаваго, Ты бо еси Бог наш рекий, просите и приимете. Даждь любовь от всея души моея, молитвами преподобнаго отца Паисия, творити волю Твою спасительную.

Слава Отцу и Сыну и Святому Духу.

Молюти ся, на мне грешнем долготерпи Владыко, и не посецы мене яко неплодное древо посечением смертным во огнь отсылая, но плодоносна мя сотвори молитвами преподобнаго умолен бывая, время покаяния ми даждь, яко Человеколюбец.

И ныне и присно и во веки веков. Аминь.

Струи низпосли слез и стенания от души, сотвори ми, Чистая, внегда припадати к Твоему покрову, яко да обрящу разрешение грехов моих, Твоею молитвою.

Избави от муки вечныя усопшаго раба своего (имя), преподобие отче Паисие Великий, яко вси по Бозе к тебе прибегаем, ты бо молиши о нас Христа Бога нашего(поклон).

Господи, помилуй. (трижды с поклонами)

Приимшая радость от Ангела, и рождшая Создателя Своего, Дево, спаси Тебе величающыя.

Преподобне отче Паисие Великий, моли Бога о нас.

Скорый помощник был еси преподобне, еще в жизни сей, иногда у преподобнаго старца ученику в преслушании умершу, и ведену во ад, он же припадаше прося, да умолиши Всещедраго о ученице его, ты же яко скорый послушник и любви хранитель, надежду возложи ко Всещедрому Богу простреся на молитву, и Той многомилостив и во обетех неложный, волю к боящымся Его сотвори, и молитву твою услыша, изведе душу от ада. Того ради и аз недостойный, припадая молю тя, отче Паисие, молитвами твоими избави мя муки и огня негасимаго.

Преподобне отче Паисие Великий, моли Бога о нас.

Бывша мя бесом смех, человеком уничижение, праведным рыдание, Ангелом плач, осквернение воздуху и земли и водам. Тело окалях и ум оскверних, паче слова деяньми. Аз враг Богу бых. Увы мне, согреших, молитвами преподобнаго Паисия прости мя.

Слава Отцу и Сыну и Святому Духу.

Яко впадый в разбойники и уязвен, тако и аз впадох от многих грехов и уязвена ми есть душа. К кому прибегну повинный аз? Токмо к Тебе, милосердному душам Врачу, приими молебника тепла преподобнаго Паисия, и молитвами его излей на мя великую Твою милость.

И ныне и присно и во веки веков. Аминь.

Прегрешении мои умножиша, прошению и суду достоин, Чистая, припадая зову Ти: прежде конца подаждь ми очищение и умиление, и нравом исправление.

Избави от муки вечныя усопшаго раба своего (имя), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего (поклон).

Господи, помилуй. (трижды с поклонами)

икона аним

Книга “Сборник молитв на всякую потребу” и Сны Пресвятой Богородицы (все)

кнопка time

Молитва

Страстей победителя, душам помощника, о всех молебника, всем спасения ходатая и наставника, из глубины сердца воздыхая, усердно и пламенно молим тя, Паисие Преподобне! Внемли и помози нам, не отринь и не презри нас, но абие услыши в смирении сердца притекающих к тебе. Ты, преподобне, к спасению ближних прилежно стремился и многих грешников к свету спасения привел еси. Подвиги чрезмерные успокоением считал по себе, пречудне, и, любовью ко Господу всегда горя, явления Христа Спаса сподобился еси, и Ему, за людей Умершему, любовию подражая, и об отрекшихся от Христа молился еси. Услыши нас, Паисие прехвальне, ибо недостойны есмы молитися о даровании нам великой милости Господней, понеже грешны есмы, и уста оскверненныя и сердца отягощенныя имеем, и под бременем прегрешений страждем, и не достигает молитва наша до Господа. Сего ради помолися за нас мольбою твоею крепкою и богоприятною, святый Паисие, да избавлены будут скончавшиеся без покаяния сродники, ближние и знаемые наши от муки вечныя, и молитву твою во благоволении приимет Спас наш и милосердие Свое вместо добрых дел их даст им, свободит их, веруем, от страданий и вселит в селениях праведных, и нас в покаянии скончатися удостоит, да прославим вкупе Всесвятое и великолепое имя Отца и Сына и Святаго Духа, во веки веков. Аминь.

Господи Иисусе Христе, Сыне Божий, молитв ради Пречистыя Твоея Матере, и преподобнаго отца нашего Паисия Великаго, и всех ради святых, помилуй и спаси нас, яко Благ и Человеколюбец. Аминь.

Господи, помилуй (трижды).

Молитва за наставников и воспитателей

Боже разума, Боже чудес, живый, приснотекущий Источниче премудрости! Молю Тя, помяни во Царствии Твоем души усопших раб Твоих, наставников моих (имена), яко просвещавших мой ум и вселявших в сердце мое дух премудрости и разума, дух совета и крепости, дух ведения и правды, истины и добродетели. Молю Тя, Владыко, милостив буди о гресех их; ослаби, прости и отпусти им вся согрешения, елика сотворили в житии сем, словом, делом, помышлением, ведением и неведением. Воздаждь им, света Подателю, милостию Твоею, щедротами Твоими за вся попечения их о нашем духовном преуспеянии; яви им милость благоутробия Твоего за благая их поучения, за благопотребные их советы и вразумления, яже посеяваху и насаждаху во умах и сердцах наших, яко благия семена; воздаждь им за вся благая небесными и вечными Твоими благами, да узрят в Тебе, Боже, лицем к лицу вечную Истину и да озаряются и наслаждаются трисиятельным Светом Ея в безконечные веки во Царствии Твоем. Аминь.

Молитва о упокоении скончавшихся после тяжкой и продолжительной болезни

Господи, Господи! Праведен еси Ты, и суд Твой праведен: Ты, в предвечной Своей Премудрости, положил еси предел жизни нашея, егоже никтоже прейдет. Премудры Твои законы, неизследимы путие Твои! Ты повелеваеши ангелу смерти изъяти от тела душу у младенца и старца, у мужа и юноши, у здраваго и больнаго по несказанным и недоведомым нам судьбам Твоим; но веруем, яко на сие есть Твоя святая воля, зане, по суду правды Твоея, Ты, Преблагий Господи, яко премудрый и всемогущий и всеведущий Врач душ и телес наших, болезни и недуги, беды и злоключения посылаеши человеку, яко врачевство духовное. Ты поражаеши его и исцеляеши, умерщвляеши в нем мертвенное и оживотворяеши безсмертное, и, яко чадолюбивый Отец, наказуеши, егоже приемлеши: молим Тя, Человеколюбче Господи, приими преставльшагося к Тебе раба Твоего (рабу Твою) (имя), егоже (юже) взыскал еси человеколюбием Своим, наказавый тяжкою болезнию телесною, во еже спасти душу от болезни смертныя; и аще вся сия приял(-ла) есть от Тебе со смиренномудрием, терпением и любовию к Тебе, яко вседетельному Врачу душ и телес наших, яви убо ему (ей) днесь богатую милость Твою, яко претерпевшему(-ей) вся сия грех своих ради. Вмени ему (ей), Господи, сию привременную тяжкую болезнь в некое наказание за прегрешения, содеянныя в сей юдоли плача, и исцели душу его (ея) от недугов греховных. Помилуй, Господи, помилуй взысканнаго(-ую) Тобою, и, наказаннаго(-ую) временно, молю Тя, не накажи лишением вечных Твоих небесных благ, но сподоби его (ю) наслаждатися ими во Царствии Твоем. Аще же усопший(-шая) раб Твой (раба Твоя), не разсуждая в себе, чесо ради бысть сие прикосновение целительныя и промыслительныя Десницы Твоея, стропотно что рече в себе, или, по неразумию своему, возропта в сердце своем, яко бремя сие возмни себе неудобоносимым, или, по немощи естества своего, стужаше долгою болезнию и огорчися злоключением, молим Тя, Долготерпеливе и Многомилостиве Господи, прости ему (ей) сия согрешения по безпредельной Твоей милости и безприкладному Твоему милосердию к нам грешным и недостойным рабам Твоим, прости ради любви Твоей к роду человеческому; аще ли же беззакония его (ея) превзыдоша главу его (ея), болезнь же и недуги не подвигоша его (ю) к полному и искреннему покаянию, умоляем Тя, Начальниче жизни нашея, умоляем Твоими искупительными заслугами, помилуй и спаси, Спасе, раба Твоего (рабу Твою) от вечныя смерти. Господи Боже, Спасителю наш! Ты, по вере в Тя, даровал еси прощение и отпущение грехов, даровав помилование и исцеление тридесятиосмилетнему разслабленному, егда рекл еси: «Отпущаются тебе греси твои»; с сею же верою и упованием на Твою благость, прибегаем к Твоему, о Иисусе Прещедрый, неизреченному милосердию и во умилении сердца нашего молим Тя, Господи: рцы убо и днесь тако слово помилования, слово отпущения грехов усопшему(-шей), приснопоминаемому(-мой) нами рабу Твоему (рабе Твоей) (имя), да исцелеет духовне, и да вселится в месте светле, в месте покойне, идеже несть болезнь, ни печаль, ни воздыхание, и да пременятся тамо болезни и недуги его (ея), слезы страданий и скорбей в источник радости о Дусе Святе. Аминь.

Молитва вдовы

Христе Иисусе, Господи и Вседержителю! Ты плачущих утешение, сирых и вдовиц заступление. Ты рекл еси: призови Мя в день скорби твоея, и изму тя. Во дни скорби своея прибегаю к Тебе аз и молюся Ти: не отврати лица Твоего от мене и услыши моление мое, приносимое Тебе со слезами. Ты, Господи Владыко всяческих, благоволил еси сочетати мя с единым из рабов Твоих, во еже быти нам едино тело и един дух; Ты дал еси мне сего раба, яко сожителя и защитника. Твоей же благой и премудрой воле изволися отъяти от мене сего раба Твоего и оставити мя едину. Преклоняюся пред сею Твоею волею и к Тебе прибегаю во дни скорби моея: утоли печаль мою о разлучении с рабом Твоим, другом моим. Аще отъял еси его от мене, не отыми от мене Своея милости. Яко же некогда приял еси вдовицы две лепты, тако приими и сие моление мое. Помяни, Господи, душу усопшего раба Твоего (имя), прости ему все согрешения его, вольная и невольная, аще словом, аще делом, аще ведением и неведением, не погуби его со беззаконми его и не предаждь вечной муке, но по велицей милости Твоей и по множеству щедрот Твоих ослаби и прости вся согрешения его и вчини его со святыми Твоими, идеже несть болезнь, ни печаль, ни воздыхание, но жизнь безконечная. Молю и прошу Тя, Господи, даруй ми во вся дни жизни моея не преставати молитися о усопшем рабе Твоем, и даже до исхода моего просити у Тебе, Судии всего мира, оставления всех согрешений его и вселения его в Небесные обители, яже еси уготовал любящим Тя. Яко аще бо и согреши, но не отступи от Тебе, и несумненно Отца и Сына и Святаго Духа православно даже допоследняго своего издыхания исповеда; тем же веру его, яже в Тя, вместо дел ему вмени: яко несть человек, иже жив будет и не согрешит, Ты един кроме греха, и правда Твоя – правда во веки. Верую, Господи, и исповедую, яко Ты услышиши моление мое и не отвратиши лица Твоего от мене. Видя вдовицу, зельне плачущу, умилосердився, сына ея, на погребение несома, воскресил еси: тако умилосердився, утиши и скорбь мою. Яко же отверзл еси рабу Твоему Феофилу, отшедшему к Тебе, двери милосердия Твоего и простил еси ему прегрешения его по молитвам Святыя Церкве Твоея, внемля молитвам и милостыням супруги его: сице и аз молю Тя, приими мое моление о рабе Твоем и введи его в жизнь вечную. Яко Ты еси упование наше. Ты еси Бог, еже миловати и спасати, и Тебе славу возсылаем со Отцем и Святым Духом. Аминь.

Молитва вдовца

Христе Иисусе, Господи и Вседержителю! В сокрушении и умилении сердца моего молюся Тебе: упокой, Господи, душу усопшия рабы Твоея (имя), в Небеснем Царствии Твоем. Владыко Вседержителю! Ты благословил еси супружесткий союз мужа и жены, егда рекл еси: не добро быти человеку единому, сотворим ему помощника по нему. Ты освятил еси союз сей во образ духовнаго союза Христа с Церковию. Верую, Господи, и исповедую, яко ты благословил еси сочетати и мене сим святым союзом с единою из рабынь Твоих. Твоей же благой и премудрой воле изволися отъяти у мене сию рабу Твою, юже дал еси мне, яко помощницу и сопутницу жизни моея. Преклоняюся пред сею Твоею волею, и молюся Ти от всего сердца моего, приими моление мое сие о рабе Твоей (имя), и прости ей, аще согреши словом, делом, помышлением, ведением и неведением; аще земное возлюби паче небеснаго; аще о одежде и украшении тела своего печеся паче, неже о просвещении одеяния души своея; или аще небреже о чадех своих; аще преогорчи кого словом или делом; аще поропта в сердце своем на ближняго своего или осуди кого или ино что от таковых злых содела. Вся сия прости ей, яко благий и человеколюбивый: яко несть человек, иже жив будет и не согрешит. Не вниди в суд с рабою Твоею, яко созданием Твоим, не осуди ю по грехом ея на вечныя муки, но пощади и помилуй по велицей милости Твоей. Молю и прошу Тя, Господи, сил даруй ми по вся дни жизни моея не преставая молитися о усопшей рабе Твоей, и даже до кончины живота моего просити ей у Тебе, Судии всего мира, оставления согрешений ея. Да яко же Ты, Боже, положил еси на главу ея венец от камене честна, венчая ю зде на земли; тако увенчай ю вечною Твоею славою в Небеснем Царствии Твоем, со всеми святыми, тамо ликующими, да вкупе с ними вечно воспевает всесвятое имя Твое с Отцем и Святым Духом. Аминь.

О мертворожденном младенце – Молитва иером. Арсения Афонского

Господи, помилуй чад моих, умерших во утробе моей! За веру и слезы мои, ради милосердия Твоего, Господи, не лиши их света Твоего Божественного!

Молитва родителей о почивших детях

Господи Иисусе Христе, Боже наш, Владыко живота и смерти, Утешителю скорбящих! С сокрушенным и умиленным сердцем прибегаю к Тебе и молюся Ти: помяни. Господи, во Царствии Твоем усопшего раба Твоего (рабу твою), чадо мое (имя), и сотвори ему (ей) вечную память. Ты, Владыко живота и смерти, даровал еси мне чадо сие. Твоей же благой и премудрой воле изволися и отъяти е у мене. Буди благословенно имя Твое, Господи. Молю Тя, Судие неба и земли, безконечною любовию Твоею к нам, грешным, прости усопшему чаду моему вся согрешения его, вольная и невольная, яже словом, яже делом, яже ведением и неведением. Прости, Милостиве, и наша родительская согрешения, да не пребудут они на чадех наших: вем, яко множицею согрешихом пред Тобою, множицею не соблюдохом, не сотворихом, якоже заповедал еси нам. Аще же усопшее чадо наше, нашея или своея ради вины, бяше в житии сем, работая миру и плоти своея, и не паче Тебе, Господу и Богу своему: аще возлюби прелести мира сего, а не паче Слово Твое и заповеди Твоя, аще предавшеся сластем житейским, а не паче сокрушению о гресех своих, и в невоздержании бдение, пост и молитву забвению предавше – молю Тя усердно, прости, преблагий Отче, чаду моему вся таковыя прегрешения его, прости и ослаби, аще и ино злое сотвори в житии сем. Христе Иисусе! Ты воскресил еси дщерь Иаира по вере и молитве отца ея. Ты исцелил еси дщерь жены-хананеянки по вере и прошению матери ея: услыши убо и молитву мою, не презри и моления моего о чаде моем. Прости, Господи, прости вся согрешения его и, простив и очистив душу его, изми муки вечныя и всели со всеми святыми Твоими, от века благоугодившими Тебе, идеже несть болезнь, ни печаль, ни воздыхание, но жизнь безконечная: яко несть человек, иже жив будет и не согрешит, но Ты Един еси кроме всякаго греха: да егда имаши судити мирови, услышит чадо мое превожделенный глас Твой: приидите, благословенные Отца Моего, и наследуйте уготованное вам Царствие от сложения мира. Яко Ты еси Отец милостей и щедрот. Ты живот и воскрешение наше, и Тебе славу возсылаем со Отцем и Святым Духом, ныне и присно и во веки веков. Аминь.

 

Молитва детей об усопших родителях

Господи, Иисусе Христе, Боже наш! Ты сирых хранитель, скорбящих прибежище и плачущих утешитель. 
Прибегаю к тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих. Молюся Тебе, милосердый Господи, утоли скорбь мою о разлучении с родившим и воспитавшим (родившей и воспитавшей) мя родителем моим (материю моею), (имя) (или: с родившими и воспитавшими мя родителями моими, имена их) – , душу же его (или: ея, или: их), яко отшедшую (или: отшедшие) к Тебе с истинною верою в Тя и с твердою надеждою на Твое человеколюбие и милость, приими в Царство Твое Небесное. 
Преклоняюсь пред Твоею святою волею, еюже отъят (или: отъята, или: отъяты) бысть у мене, и прошу Тя, не отыми точию от него (или: от нея, или: от них) милости и благосердия Твоего. Вем, Господи, яко Ты Судия мира сего, грехи и нечестия отцев наказуеши в детях, внуках и правнуках даже до третьяго и четвертого рода: но и милуеши отцев за молитвы и добродетели чад их, внуков и правнуков. С сокрушением и умилением сердца молю Тя, милостивый Судие, не наказуй вечным наказанием усопшаго незабвеннаго (усопшую незабвенную) для мене раба Твоего (рабу Твою), родителя моего (матерь мою) (имя), но отпусти ему (ей) вся согрешения его (ея) вольная и невольная, словом и делом, ведением и неведением сотворенная им (ею) в житии его (ея) зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй его (ю) и вечныя муки избави.
Ты, милосердый Отче отцев и чад! Даруй мне, во вся дни жизни моея, до последняго издыхания моего, не преставати памятовати о усопшем родителе моем (усопшей матери моея) в молитвах своих, и умоляти Тя, праведнаго Судию, да вчиниши его (ю) в месте светле, в месте прохладно и в месте покойне, со всеми святыми, отнюду же отбеже всяка болезнь, печаль и воздыхание. 
Милостиве Господи! Приими днесь о рабе Твоем (Твоей) (имя) теплую молитву мою сию и воздай ему (ей) воздаянием Твоим за труды и попечения воспитания моего в вере и христианском благочестии, яко научившему (научившей) мя первее всего ведети Тя, своего Господа, в благоговении молитися Тебе, на Тебе Единаго уповати в бедах, скорбех и болезнех и хранити заповеди Твоя; за благопопечение его (ся) о моем духовном преуспеянии, за тепле приносимыя им (ею) о мне моления пред Тобою и за все дары, им (ею) испрошенные мне от Тебе, воздай ему (ей) Своею милостию, Своими небесными благами и радостями в вечном Царствии Твоем. 
Ты бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святым Духом, и ныне и присно и во веки веков. Аминь.

Особый случай – как молиться о самоубийцах

ВАЖНО! На заседании Священного Синода от 27 июля 2011 года было принято решение одобрить Чин молитвеннаго утешения сродников живот свой самовольне скончавшаго — частную молитву для родственников самоубийц.

Источник: Патриархия.ru

Церковные каноны запрещают «приношение и молитву» за самоубийц (Тимофея 14), как сознательно отторгших себя от общения с Богом. Справедливость этого правила подтверждается духовным опытом подвижников, которые, дерзая молиться за самоубийц, испытывали непреодолимую тяжесть и бесовские искушения.

Указанное правило святого Тимофея Александрийского было направлено против отпадших членов Церкви. Однако в настоящее время большая часть покончивших с собой это люди крещеные, но не получившие ни церковного воспитания, ни церковного окормления. Они прерывают свою жизнь не вследствие сознательного противостояния Богу и Церкви, а будучи «вне ума», хотя это не зафиксировано медицинскими свидетельствами. Священнику, который не знал умершего в его жизни, невозможно решить, как относиться к такой смерти, а родственники и близкие самоубийцы, встречая отказ священника совершить отпевание, еще далее отходят от Церкви, не получая утешения.

В связи с этим Священный Синод Русской Православной Церкви благословляет, в целях духовного окормления паствы и единообразия пастырской практики предлагает, не совершая отпевания самоубийц и «приношения» о них, то есть поминовения в храме, преподавать близким и родственникам таких умерших следующие утешительные молитвы.

Кроме совершения предложенного чина родственники и близкие могут взять на себя, с благословения священника, келейное чтение молитвы преподобного старца Льва Оптинского. Более же всего таким умершим помогает раздача милостыни за них и благочестивая жизнь их родных и близких.

 Чин молитвеннаго утешения сродников живот свой самовольне скончавшаго

Благословен   Бог   наш  всегда, ныне и присно, и во веки веков. Аминь.

Господи, да не яростию Твоею обличиши мене, / ниже гневом Твоим накажеши мене. Помилуй мя, Господи, / яко немощен есмь.

Помилуй нас, Господи помилуй нас, всякого бо ответа недоумеюще, сию Ти молитву яко Владыце, грешнии приносим, помилуй нас.

Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.

И ныне: Милосердия двери отверзи нам, благословенная Богородице, надеющиеся на Тя да на погибнем, но да избавимся Тобою от бед, Ты бо еси спасение рода христианского.

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззакония моя аз знаю и грех мой предо мною есть выну. Тебе Единому согреших, и лукавая пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твой. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

Помилуй нас, Господи, помилуй нас, / яко помногу исполнихомся уничижения (Пс. 122:3).

Отче Небесный, / Любвеобильне, Человеколюбче, / Милостив, милостив, милостив буди нам, / о, вся Объемлющий / и всех Приемлющий!

Божественными добродетельми духа измлада украсився, Романе премудре, Церкви Христове пречестное украшение был еси, пением прекрасным украсив ю, блаженне. Тем молим тя, подаждь желающим Божественнаго дарования твоего, яко да вопием ти: радуйся, отче преблаженне, красото церковная.Стих: Рече безумен в сердце своем: несть Бог (Пс. 52:1).

Отче Небесный, / Любвеобильне, Человеколюбче, / Милостив, милостив, милостив буди нам, / о, вся Объемлющий / и всех Приемлющий!

Слава Отцу и Сыну и Святому Духу.

Егда, Судие, сядеши яко Благоутробен, и покажеши страшную Славу Твою, Спасе: о, каковый страх тогда, пещи горящей, всем боящимся нестерпимаго судища Твоего! (Вел. Пок. Канон.Чт., п. 8, тр. 4).

И ныне и присно и во веки веков. Аминь.

Не имамы иныя помощи, / не имамы иныя надежды, / разве Тебе, Владычице, / Ты нам помози, / на Тебе надеемся / и Тобою хвалимся, / Твои бо есмы раби, да не постыдимся.

Господу помолимся.3р.

Господи, помилуй.3р. с поклонами

Молитва

Владыко, Господи, Милостивый и Человеколюбивый, к Тебе взываем: согрешихом и беззаконновахом пред Тобою, преступихом спасительныя Твоя заповеди и любве евангельския отчаявшемуся брату нашему (отчаявшейся сестре нашей) не явихом. Но не яростию Твоею обличи ны, ниже гневом Твоим накажи ны, Человеколюбче Владыко, ослаби, исцели сердечную скорбь нашу, да победит множество щедрот Твоих грехов наших бездну, и Твоея безчисленныя благости пучина да покрыет горькое слез наших море.

Ей, Иисусе Сладчайший, еще молимтися, подаждь рабом Твоим, сродником живот свой самовольне скончавшаго, в скорби их утешение и на милость Твою твердое упование.

Яко Милостив и Человеколюбец Бог еси, и Тебе славу возсылаем со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

Пресвятая Богородице спаси нас.

Честне́йшую херуви́м и сла́внейшую без сравнения серафим, без истления Бога Слова рождшую, сущую Богородицу, Тя величаем.Именем Господним благослови, Отче.

«Вечная память…» 3р.

Молитва преподобного Льва Оптинского для келейного чтения

Взыщи, Господи, погибшую душу раба Твоего (имярек): аще возможно есть, помилуй. Неизследимы судьбы Твои. Не постави мне в грех молитвы сей моей, но да будет святая воля Твоя.

книга обложка бабочки аним«Книга “Сборник молитв на всякую потребу”»

Вы можете стать обладателем этого уникального творения, который откроет вам двери в счастье подробности здесь

ПОДАРКИ
Подарок № 1. Книга “Икона Божьей Матери «ЭКОНОМИССА» – помощница в доме
икона экономиста1

кнопка хочу

Подарок № 2. Книга “Геронтисса – женская икона Божией Матери. Икона  для пожилых людей

Подарок № 3. Книга “Икона в доме”

Из которой вы узнаете:

  • рекомендации по устроению домашнего иконостаса,
  • где разместить дома иконы и в какой последовательности,
  • каким образом надо относиться к иконе, 
  • куда девать прошлогодние церковные календари и изображения ликов  святых,
  • какие иконы надо иметь в доме,
  •  что делать, если икона пришла в состояние негодности и не подлежит реставрации,кнопка заказать

Бонус: Все Сны Пресвятой Богородицы

богородица1 анимСны Богородицы являются “народными” молитвами. По сути, это заговоры на разные нужды, в основном на защиту от врагов, неприятностей, воров, на благополучную и долгую жизнь. Их можно читать в сложных жизненных ситуациях, перед важными делами, перед уходом из дома. 

Отзыв нашего клиента:

ДОБРЫЙ ДЕНЬ! ОКСАНА. ОГРОМНЫЕ ВАМ БЛАГОДАРНОСТЬ И НИЗКИЙ ПОКЛОН ЗА ВАШИ ЗАМЕЧАТЕЛЬНЫЕ РАССЫЛКИ. БОЛЬШОЕ СПАСИБО, ЧТО ВЫ ЕСТЬ И ПРОСВЕЩАЕТЕ НАС ВО МНОГИХ ДЕЛАХ,ОБЫЧАЯХ. МЫ МНОГО НОВОГО УЗНАЕМ ИЗ ВАШИХ ПЕРЕДАЧ ПО ВТОРНИКАМ. ОГРОМНОЕ СПАСИБО ЗА СБОРНИК “МОЛИТВЫ НА ВСЯКУЮ ПОТРЕБУ”. Я УЖЕ ПЕНСИОНЕРКА И НА ПЕНСИЮ НЕ ВСЕГДА УДАЕТСЯ ПОСЛУШАТЬ И ПОУЧИТСЯ НА ВАШИХ ПЛАТНЫХ ЗАНЯТИЯХ.

ОГРОМНОЕ СПАСИБО. ВЫ ДАЕТЕ СТОЛЬКО УМНОЙ И ПОЛЕЗНОЙ ИНФОРМАЦИИ.  Татьяна.

Кнопка доступ

Только сегодня Вы можете приобрести сразу 5 книг по специальное цене:

Сборник молитв на всякую потребу + Книги: “Икона Божьей Матери «ЭКОНОМИССА» – помощница в доме” + Геронтисса – женская икона Божией Матери” + “Икона в доме” + “Все Сны Пресвятой Богородицы”

кнопка time

рассказать друзьям и получить подарок
Понравилась статья, расскажи друзьям
Friend me:

18 комментариев к записи “Как правильно вести себя по отношению к памяти ушедших от нас родных и близких.”

  • Наталья:

    Большое спасибо за Ваш сайт, очень важные слова и молитвы, которые не всегда знаешь когда и как читать, но у меня есть один вопрос – почему невозможно скопировать текст молитв с сайта в файл, почерки сейчас из-за пользования компьютерами малочитаемые,а иметь молитвы в отедльном файле просто необходимо, но, как правило, на подобных Вашему сайту – копирование невозможно или в этом есть какой-то определенный смысл? С уважением, Наталья.

    • admin:

      Наталья, запрет на копирование ставят владельцы сайтов с целью сохранения своей информации от копирования конкурентами и различных спамщиков. А читателям, которым нужна определенная статья достаточно просто написать об этом в комментариях и я высылаю ее на почту. Впрочем у моих подписчиков многие статьи уже есть.

      • Татьяна:

        просила выслать мне 15 советов-цитат ,но почему-то до сих пор их не получила ,может я что-то не так делаю?

        • admin:

          Татьяна, Вы все делаете правильно. Просто я вручную отправляю все статьи читателям. Поэтому бывают задержки.

  • Светлана:

    Незнание не снимает с нас ответственности.. Но как сложно по разным причинам найти эти знания и правильно их использовать в жизни..

    Огромное спасибо ..

    • БОЛЬШОЕ СПАСИБО ЗА ТАКОЙ ОЧЕНЬ НУЖНЫЙ И ИНТЕРЕСНЫЙ САЙТ !ПОЛЬЗУЮСЬ ИМ ЕЖЕДНЕВНО…ПОЖАЛУЙСТА ,ВЫШЛИТЕ МНЕ МОЛИТВЫ ОБ УСОБШИХ.СПАСИБО.

      • admin:

        Нина Николаевна. Я рада, что Вы ежедневно изучаете мои советы. Оказывается среди читателей портала сложилось такое правило: день начинать не с чашечки кофе, а с чтения моих рекомендаций на сегодняшний день. Целиком и полностью поддерживаю данную инициативу: я сама предпочитаю накануне ознакомиться, что завтрашний день нам готовит. Постелить соломку проще, чем потом решать неожиданно возникшие проблемы.
        Молитвы уже Вам отправила.

  • Татьяна:

    Хотелось бы и эти молитвы тоже получить на свой адрес

  • Елена:

    Вышлите мне пожалуйста эти молитвы. Спасибо!

  • Наталья:

    Дарина, здравствуте. А есть ли у Вас дистанционное обучение работы каноническими молитвами, как практиковала Вaша бабушка. Этот вид работы мне бы подошел. Спасибо. С Уважением Наталья.

    • Дарина:

      Возьмите мой е-мейл у Оксаны. В принципе можно, но группу тут нет смысла делать – работа ведется лично. Молитвами не только бабушка – молитвами и я предпочитаю отчитывать. Но учтите – за отчичку молитвами нельзя назначать цену и ПРОСИТЬ деньги. Кто чем поблагодарит – то и ваше. А не поблагодарит… чтож – придет из других источников. Поэтому как вариант зароботка в современных условиях это абсолютно не подходит. И еще – при отчитке молитвами НЕЛЬЗЯ пить, курить, ругаться (особенно матом), смотреть “развлекательные передачи”, заниматься сексом, допускать даже греховные мысли, необходимо дкржать бескровный пост на время отчитки. А самая маленькая отчитка – 3 дня (на три зари) самая длинная – 40 дней подряд (сорокоуст). Оцените свои силы. Если вас это не пугает – пишите, я с удовольствием вас научу.

  • Тина:

    БЛАГОДАРЮ!!!

  • Люба:

    Спасибо за информацию. Вышлите мне пожалуйста эти молитвы на мой адрес. Заранее благодарю.

  • Тамара Бутакова:

    Большое Вам благодарю за предоставленную информацию!

  • Светлана:

    Оксана, здравствуйте! Большое спасибо за статью, она оказалась очень своевременна – завтра Радуница, буду поминать маму и других более дальних родственников, очень бы хотела все сделать правильно, но не знаю как это надо делать,никто никогда этому не учил. Еще раз примите мою благодарность.

  • Лана:

    Спасибо за информацию. А можно, пожалуйста, эту статью на мой электронный адрес. Благодарю.

  • Галина Филиппова:

    Благодарю.

  • Анна Гвоздева:

    Доброго времени суток всем ! 1 000 благодарностей за Ваш труд по созданию этого сайта.* Вы такие Молодцы !!! * Я новичок, но уже каждый день проверяю и читаю информацию рассылки. Насчет копирования – несмотря на то, что мы хотим получить все и сразу, – правильное решение, я приспособилась – перепечатываю нужный мне текст, заодно и запоминается сразу ;):). Или в крайнем случае, как здесь писали, можно заказать необходимый материал. Еще раз огромное Вам спасибо и успехов и процветания !!!
    С уважением Анна.

Оставить комментарий к записи Татьяна

Секс шоп Купить мед. справки

Content Protected Using Blog Protector By: PcDrome.